ദേശീയപാതയിൽചൂർണിക്കര കമ്പനിപ്പടിയിൽ ഓട്ടത്തിനിടെ കണ്ടെയ്‌നർ ലോറിക്കു തീപിടിച്ചത് ലോറിയുടെ മുകൾഭാഗം വൈദ്യുതി ലൈനിൽ തട്ടിയാണെന്ന് സംശയിക്കുന്നുവെന്ന് ഡ്രൈവറുടെ മൊഴി. എന്നാൽ, കണ്ടെയ്നറിന്റെ ഉള്ളിൽനിന്നാണ് തീയും പുകയും വന്നതെന്നാണ് ദൃക്സാക്ഷികളുടെ മൊഴി. ഇരുചക്രവാഹനങ്ങളുടെ ബാറ്ററി ബന്ധം വിഛേദിക്കാതെ കയറ്റിയതു തീപിടിത്തത്തിനു കാരണമായോ എന്നും പരിശോധിക്കും. കണ്ടെയ്നറിന്റെ അകത്തുണ്ടായിരുന്ന പഴയ ഇരുചക്രവാഹനങ്ങളും ഗൃഹോപകരണങ്ങളും പൂർണമായി കത്തിനശിച്ചു. മുട്ടത്തെ അഗർവാൾ പാക്കേഴ്സ് ആൻഡ് മൂവേഴ്‌സ് പാഴ്സൽ സർവീസ് ഗോഡൗണിൽ നിന്നു ബെംഗളൂരുവിലേക്കു പുറപ്പെട്ട കണ്ടെയ്നർ ലോറിക്കാണ് വ്യാഴം വൈകിട്ടു 4.30നു തീപിടിച്ചത്. […]

ശബരിമല സന്നിധാനത്ത് വർഷങ്ങളായി നടന്നുപോരുന്ന വെടിവഴിപാട് പൂർണ്ണമായും നിർത്തലാക്കാൻ തിരുവിതാംകൂർ ദേവസ്വം ബോർഡ് തീരുമാനിച്ചു. സുരക്ഷാ മുൻകരുതലുകളുടെ ഭാഗമായും തീർത്ഥാടകരുടെ സുരക്ഷിതത്വം ഉറപ്പാക്കുന്നതിനുമാണ് ദേവസ്വം ബോർഡിന്റെ ഈ നിർണ്ണായക തീരുമാനം.വെടിവഴിപാടിനായി ഉപയോഗിക്കുന്ന വെടിമരുന്നിന്റെ സംഭരണവും ഉപയോഗവും സന്നിധാനം പോലുള്ള അതീവ സുരക്ഷാ മേഖലയിൽ വലിയ അപകടസാധ്യത ഉയർത്തുന്നുണ്ടെന്ന വിലയിരുത്തലിനെ തുടർന്നാണ് നടപടി. വനം-പൊലീസ് വകുപ്പുകളുടെയും സുരക്ഷാ ഏജൻസികളുടെയും നിർദ്ദേശങ്ങൾ കൂടി പരിഗണിച്ചാണ് ദേവസ്വം ബോർഡ് യോഗം ഈ തീരുമാനത്തിലെത്തിയത്.

നവരാത്രി ഘോഷയാത്രയോടനുബന്ധിച്ച് നടത്തേണ്ട തയ്യാറെടുപ്പുകളും മുന്നൊരുക്കങ്ങളും വിലയിരുത്തുന്നതിനായി ജില്ലാ കളക്ടർ അനു കുമാരിയുടെ അധ്യക്ഷതയിൽ യോഗം ചേർന്നു. കളക്ടറേറ്റിൽ നടന്ന ജില്ലാതല ഉദ്യോഗസ്ഥരുടെ യോഗത്തിൽ കേരള-തമിഴ്‌നാട് അതിർത്തിയിലും ഘോഷയാത്ര കടന്നുപോകുന്ന പാതകളിലും വിവിധ വകുപ്പുകൾ സ്വീകരിക്കേണ്ട നടപടികൾ ചർച്ച ചെയ്തു.ഘോഷയാത്ര സുഗമമായി നടത്തുന്നതിനായി അതിർത്തി മേഖലകളിലും പാതയോരങ്ങളിലും പ്രത്യേക സുരക്ഷയും ഗതാഗത ക്രമീകരണങ്ങളും ഏർപ്പെടുത്താൻ പൊലീസിന് നിർദ്ദേശം നൽകി. അതിർത്തിയിൽ യാത്രക്കാർക്ക് പ്രയാസങ്ങൾ ഉണ്ടാകാതിരിക്കാൻ തമിഴ്നാട് പൊലീസുമായി ഏകോപനം ഉറപ്പാക്കുമെന്നും, വഴിയോരങ്ങളിൽ അപകടകരമായി നിൽക്കുന്ന മരച്ചില്ലകളും തടസ്സങ്ങളും […]

പ്രശസ്ത സംഗീത സംവിധായകൻ എം.കെ. അർജുനൻ മാസ്റ്ററുടെ ജീവചരിത്ര ഗ്രന്ഥം പ്രകാശനം ചെയ്തു. ഡോ. അജയപുരം ജ്യോതിഷ് കുമാർ രചിച്ച പുസ്തകം തിരുവനന്തപുരത്ത് നടന്ന ചടങ്ങിൽ രാഷ്ട്രീയ നേതാവ് ചെറിയാൻ ഫിലിപ്പ് പ്രമുഖ ഗായകൻ കല്ലറ ഗോപന് നൽകിയാണ് പ്രകാശനം നിർവ്വഹിച്ചത്.മലയാള ചലച്ചിത്ര-നാടക സംഗീത ലോകത്ത് അവിസ്മരണീയമായ ഈണങ്ങൾ സമ്മാനിച്ച അർജുനൻ മാസ്റ്ററുടെ ജീവിത വഴികളും സംഗീത ജീവിതത്തിലെ നാഴികക്കല്ലുകളും അടയാളപ്പെടുത്തുന്നതാണ് ഈ പുസ്തകം. സംഗീത പ്രേമികൾക്കും വരുംതലമുറയ്ക്കും അദ്ദേഹത്തിന്റെ സംഭാവനകളെക്കുറിച്ച് വ്യക്തമായ ധാരണ നൽകാൻ ഈ […]

ബംഗാൾ ഉൾക്കടലിൽ രൂപപ്പെട്ട തീവ്രന്യൂനമർദ്ദത്തിന്റെ പ്രഭാവത്തിൽ സംസ്ഥാനത്ത് വടക്കൻ ജില്ലകളിൽ മഴ ശക്തമാകാൻ സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇതിന്റെ പശ്ചാത്തലത്തിൽ വടക്കൻ കേരളത്തിലെ അഞ്ച് ജില്ലകളിൽ യെല്ലോ അലർട്ട് പ്രഖ്യാപിച്ചു. മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് എന്നീ ജില്ലകളിലാണ് മഴ മുന്നറിയിപ്പുള്ളത്.മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും ഒറ്റപ്പെട്ട ശക്തമായ മഴയ്ക്കും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. മലയോര മേഖലകളിലും തീരദേശ മേഖലകളിലും പ്രത്യേക ജാഗ്രതാ […]