സംസ്ഥാനത്ത് ഭക്ഷ്യസുരക്ഷാ വകുപ്പ് നടത്തിയ പ്രത്യേക പരിശോധനയായ ‘ഓപ്പറേഷൻ തെളിമ’യുടെ ഭാഗമായി ഗുരുതര നിയമലംഘനം കണ്ടെത്തിയ 74 സ്ഥാപനങ്ങളുടെ പ്രവർത്തനം നിർത്തിവെയ്പ്പിച്ചു. പരിശോധനയിൽ ഉപയോഗശൂന്യവും പഴകിയതുമായ 1400 ലിറ്ററിലധികം പാചക എണ്ണ പിടിച്ചെടുക്കുകയും ചെയ്തു.ഹോട്ടലുകൾ, തട്ടുകടകൾ, മറ്റ് ഭക്ഷ്യവിൽപ്പന കേന്ദ്രങ്ങൾ എന്നിവിടങ്ങളിൽ വീണ്ടും വീണ്ടും ഉപയോഗിച്ചതും ഗുണനിലവാരമില്ലാത്തതുമായ പാചക എണ്ണ ഉപയോഗിക്കുന്നത് തടയുന്നതിനാണ് പ്രത്യേക റെയ്ഡ് സംഘടിപ്പിച്ചത്. മാനദണ്ഡങ്ങൾ പാലിക്കാതെ പ്രവർത്തിച്ച സ്ഥാപനങ്ങൾക്കെതിരെയാണ് നടപടി. വരും ദിവസങ്ങളിലും പരിശോധന കർശനമായി തുടരുമെന്ന് ഭക്ഷ്യസുരക്ഷാ അധികൃതർ അറിയിച്ചു.

സംസ്ഥാനത്ത് ഇന്ന് മഴ തകർത്തുപെയ്യാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. വിവിധ ജില്ലകളിൽ ശക്തമായ കാറ്റിനും ഇടിമിന്നലോടു കൂടിയ മഴയ്ക്കുമാണ് സാധ്യത പ്രവചിച്ചിരിക്കുന്നത്.മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിനും ഇടിമിന്നലിനും സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്ന് ദുരന്തനിവാരണ അതോറിറ്റി നിർദേശിച്ചു. മലയോര മേഖലകളിലും തീരദേശ മേഖലകളിലും ഉള്ളവർ പ്രത്യേക ജാഗ്രത പുലർത്തണം. തുറസ്സായ സ്ഥലങ്ങളിൽ നിൽക്കുന്നതും മരങ്ങൾക്ക് കീഴിൽ അഭയം തേടുന്നതും ഒഴിവാക്കണമെന്നും മുന്നറിയിപ്പിൽ പറയുന്നു.

തിരുവനന്തപുരം: സംസ്ഥാനത്ത് ഇന്നും നാളെയും മൂന്ന് ജില്ലകളിൽ ശക്തമായ മഴ മുന്നറിയിപ്പ് നൽകി കേന്ദ്ര കാലാവസ്ഥ വകുപ്പ്. ഒറ്റപ്പെട്ടയിടങ്ങളിൽ ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിട്ടുള്ളത്. അടുത്ത 24 മണിക്കൂറിനുള്ളിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിച്ചേക്കാമെന്നാണ് ഔദ്യോഗിക അറിയിപ്പ്. ഇതിനുപുറമെ, സംസ്ഥാനത്തെ തീരമേഖലകളിൽ ഉയർന്ന തിരമാലകൾക്കും കടലാക്രമണത്തിനും സാധ്യതയുള്ളതിനാൽ ‘കള്ളക്കടൽ’ ജാഗ്രതാ നിർദേശവും പുറപ്പെടുവിച്ചിട്ടുണ്ട്. കടൽക്ഷോഭത്തിന് സാധ്യതയുള്ള പ്രദേശങ്ങളിൽ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകുന്നു.

തിരുവനന്തപുരം: രൂക്ഷമായ വൈദ്യുതി പ്രതിസന്ധിയെത്തുടർന്ന് ബുദ്ധിമുട്ടിലായ സംസ്ഥാനത്തിന് ആശ്വാസമായി കേന്ദ്രത്തിന്റെ പുതിയ പ്രഖ്യാപനം. 150 മെഗാവാട്ട് വൈദ്യുതി കേന്ദ്രവിഹിതമായി ഇന്ന് മുതൽ കേരളത്തിന് ലഭ്യമാകും. സംസ്ഥാനത്ത് വൈദ്യുതി ഉപഭോഗം ഉയർന്നതിനെ തുടർന്ന് നിയന്ത്രണങ്ങളെക്കുറിച്ചുള്ള ചർച്ചകൾ സജീവമായ സാഹചര്യത്തിലാണ് അധിക വൈദ്യുതിയെത്തുന്നത്. ഈ അധിക വിഹിതം ലഭിക്കുന്നതോടെ നിലവിലെ പ്രതിസന്ധിക്ക് താൽക്കാലിക ആശ്വാസമാകുമെന്നാണ് കെഎസ്‌ഇബിയുടെയും (KSEB) സർക്കാരിന്റെയും പ്രതീക്ഷ.

തിരുവനന്തപുരം: സംസ്ഥാനത്ത് ഏർപ്പെടുത്തിയിരുന്ന രാത്രികാല വൈദ്യുതി നിയന്ത്രണം ഒഴിവാക്കിയേക്കുമെന്ന് സൂചന. കൂടുതൽ വൈദ്യുതി ലഭ്യമായ സാഹചര്യത്തിലാണ് കെഎസ്‌ഇബിയുടെ (KSEB) പുതിയ തീരുമാനം. അതേസമയം, വേനൽച്ചൂടിനും വൈദ്യുതി പ്രതിസന്ധിക്കും ഇടയിൽ സംസ്ഥാനത്ത് ഇന്ന് മുതൽ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകിയിട്ടുണ്ട്. കൂടുതൽ വൈദ്യുതി കണ്ടെത്താൻ സാധിച്ചതോടെ ജനങ്ങൾക്ക് വലിയ ആശ്വാസമാകുന്ന നീക്കമാണ് അധികൃതരുടെ ഭാഗത്തുനിന്ന് ഉണ്ടാകുന്നത്. രാത്രിയിലെ പവർകട്ട് ഒഴിവാക്കുന്നതുമായി ബന്ധപ്പെട്ട ഔദ്യോഗിക പ്രഖ്യാപനം ഉടൻ ഉണ്ടായേക്കും. ഇതിനിടയിലാണ് സംസ്ഥാനത്തിന്റെ വിവിധ ഭാഗങ്ങളിൽ […]