ഇന്ത്യ ഉൾപ്പെടെയുള്ള വിവിധ രാജ്യങ്ങളിലെ നിരവധി വാട്സാപ് അക്കൗണ്ടുകൾ അപ്രതീക്ഷിതമായി നിലച്ചു. തിങ്കളാഴ്ച രാത്രി എട്ടു മണിയോടെയാണ് ഉപയോക്താക്കൾക്കു സ്വന്തം വാട്സാപ് അക്കൗണ്ടുകൾ ലഭ്യമല്ലാതായത്. യാതൊരുവിധ മുന്നറിയിപ്പും നൽകാതെയാണ് മെറ്റയുടെ ഉടമസ്ഥതയിലുള്ള ജനപ്രിയ മെസേജിങ് ആപ്പ്, അക്കൗണ്ടുകൾ ബ്ലോക്ക് ചെയ്തത്. ഇതോടെ നിരവധി ഉപയോക്താക്കൾ പരാതിയുമായി സമൂഹമാധ്യമങ്ങളിൽ രംഗത്തെത്തി.
