ലോകവ്യാപാരത്തിന്റെ പുതിയ കവാടമായി വിഴിഞ്ഞം തുറമുഖം. കയറ്റുമതിയും ഇറക്കുമതിയും ഇനി കേരളത്തിന്റെ സ്വന്തം തുറമുഖം വഴിയും. വിഴിഞ്ഞം അന്താരാഷ്ട്ര തുറമുഖത്തിന്റെ നിർണായക ഘട്ടത്തിന് ഇന്ന് തുടക്കമാകും.
മുഖ്യമന്ത്രി ഇന്ന് ചടങ്ങിൽ തുറമുഖത്തിന്റെ പ്രവർത്തനങ്ങളുടെ ഔദ്യോഗിക ഉദ്ഘാടനം നിർവഹിക്കും. ഇതോടൊപ്പം ‘മിഷൻ സമുദ്ര’ പദ്ധതിയുടെ പ്രഖ്യാപനവും മുഖ്യമന്ത്രി നടത്തും.
അന്താരാഷ്ട്ര കപ്പൽപാതയോട് ഏറെ അടുത്തുള്ള വിഴിഞ്ഞം തുറമുഖം കേരളത്തിന്റെ വ്യാപാര-വ്യവസായ മേഖലയിൽ വലിയ മാറ്റങ്ങൾക്ക് വഴിയൊരുക്കുമെന്നാണ് പ്രതീക്ഷ. ചരക്കുനീക്കത്തിന്റെ വേഗത വർധിപ്പിക്കുന്നതിനൊപ്പം സംസ്ഥാനത്തിന്റെ കയറ്റുമതി-ഇറക്കുമതി മേഖലയ്ക്കും പുതിയ സാധ്യതകൾ തുറക്കും.
വിഴിഞ്ഞത്തിന്റെ പ്രവർത്തനം ശക്തമാകുന്നതോടെ കേരളം ആഗോള സമുദ്രവ്യാപാര ഭൂപടത്തിൽ കൂടുതൽ നിർണായക സാന്നിധ്യമായി മാറുമെന്നാണ് വിലയിരുത്തൽ.
