ന്യൂഡൽഹി: കുംഭമേളയിലെ പ്രകടനത്തിലൂടെ സമൂഹമാധ്യമങ്ങളിൽ വൈറലായ താരം മൊണാലിസ ഭോസ്ലെയെ മധ്യപ്രദേശ് പൊലീസിന് കൈമാറണമെന്ന ദേശീയ പട്ടികജാതി കമ്മീഷന്റെ (എൻ.എസ്.സി) ഉത്തരവിനെതിരെ ഹൈക്കോടതിയുടെ രൂക്ഷ വിമർശനം. നിയമപരമായ അധികാരപരിധി ലംഘിച്ചുകൊണ്ടുള്ളതാണ് കമ്മീഷന്റെ നടപടിയെന്ന് നിരീക്ഷിച്ച കോടതി, ഇത്തരം ഉത്തരവുകൾ അംഗീകരിക്കാനാകില്ലെന്നും വ്യക്തമാക്കി.
വ്യക്തികളുടെ സ്വതന്ത്രമായ സഞ്ചാരസ്വാതന്ത്ര്യത്തെയും അവകാശങ്ങളെയും ഹനിക്കുന്ന തരത്തിൽ കമ്മീഷൻ ഇടപെടുന്നത് എന്തിനാണെന്ന് ചോദ്യം ചെയ്ത കോടതി, ഉത്തരവിനെതിരെ സമർപ്പിച്ച ഹർജിയിൽ കമ്മീഷന് വിശദമായ നോട്ടീസും അയച്ചിട്ടുണ്ട്.
ഭരണഘടനാ സ്ഥാപനങ്ങൾ തങ്ങളുടെ അധികാരപരിധിക്കുള്ളിൽ നിന്ന് മാത്രം പ്രവർത്തിക്കണമെന്നും, നിയമവ്യവസ്ഥയെ മറികടന്നുള്ള ഇത്തരം ഏകപക്ഷീയമായ ഉത്തരവുകൾ നീതിപീഠം വെച്ചുപൊറുപ്പിക്കില്ലെന്നുമാണ് ഹൈക്കോടതിയുടെ കർശന നിലപാട്.
